Sumarbúðir kirkjunnar á Eiðum eiga sér langa sögu. Aðdráttarafl svæðisins er mikið og við vatnið er sannkölluð ævintýraveröld sem þar sem fjöldi barna og unglinga unir sér við leik og starf á hverju sumri. Margir hafa bundist vináttuböndum við Eiðavatn og eignast góðar minningar þaðan, enda vilja flestir koma aftur ár eftir ár.

Í sumarbúðunum er boðið upp á ógleymanlega dvöl fyrir krakka fædda 2013 – 2019. Flokkar fyrir 7 – 9 ára börn, 8 – 10 ára börn, 8 – 12 ára börn og 12 -14 ára börn. Dagskrá hvers flokks er miðuð við þroska og getu barnanna. Sirkusflokkur er fyrir börn á aldrinum 8-12 ára, þar er lagt áhersla á tjáningu og skemmtun í einstöku umhverfi. Ævintýraflokkurinn er á sínum stað fyrir 12 – 14 ára unglinga sem vilja upplifa öðruvísi og spennandi sumarbúðaævintýri.

Mikið af alls konar skemmtilegri og þroskandi afþreyingu í boði:

• Fáránleikar
• Frjálsar íþróttir
• Sköpun
• Kvöldvökur
• Útivera
• Kirkja
• Siglingar á vatninu
• og margt fleira

Systkinaafsláttur: 10%

Staðfesta þarf skráningu með greiðslu. Greiðsluseðill er sendur inn á heimabanka forráðamanns 1. Þar koma fram upplýsingar um gjalddaga og eindag. Sé hætt við þátttöku í sumarbúðunum 5 dögum fyrir flokkinn eða síðar er 80% af gjaldinu endurgreitt.

Viltu styrkja sumarbúðirnar?

Styrktarreikningur sumarbúðanna er:
0166-05-061616 – kt. 441185-0659

Markmið sumarbúðanna við Eiðavatn er að bjóða börnum og unglingum ógleymanlega sumardvöl þar sem kristin lífsgildi eru höfð að leiðarljósi.

Í sumarbúðunum starfar öflugur hópur leiðtoga með reynslu og þjálfun í barna- og æskulýðsstarfi. Allir starfsmenn sækja námskeið í skyndihjálp, brunavörnum o.fl. Lögð er áhersla á öryggi við bátsferðir.

Sumarbúðirnar eru í fallegu umhverfi við Eiðavatn, u.þ.b. 18 km frá Egilsstöðum. Þjóðkirkjan hefur starfrækt sumarbúðir á Eiðum á hverju sumri frá 1968, þar af frá 1992 í byggingu Kirkjumiðstöðvar Austurlands. Kirkjumiðstöðin er sjálfseignarstofnun á vegum safnaðanna á Austurlandi.